གསར་འགྱུར། 
རྒྱལ་སྤྱིའི་བོད་ཀྱི་ཆ་འཕྲིན། ཕྱི་ལོ་༢༠༡༠ཟླ་༡༡ཚེས་༣༠ཉིན། རྒྱ་ནག་ཤིན་ཧྭ་གསར་ཁང་གིས་གནས་ཚུལ་སྤེལ་གསལ་ལྟར་ན། དེ་རིང་ཕྱི་དྲོ་རྒྱ་ནག་པེ་ཅིང་གི་ཆུ་ཚོད་༤དང་སྐར་མ་༣༩སྟེང༌། བྱང་ནག་ཆུ་ཁུལ་དུ་ས་ཡོམ་རིམ་པ་༥་༢ཅན་ཞིག་བརྒྱབ་ནས་ཁང་པ་འགར་གནོད་སྐྱོན་བཏང་ཡོད་འདུག
ཐེངས་འདིར་ས་ཡོམ་བརྒྱབ་ཁུལ་དེ་ནི་བོད་ཀྱི་རྒྱལ་ས་ལྷ་ས་ནས་བར་ཐག་ལེ་དབར་༧༠ཙམ་ཡོད་པའི་ནག་ཆུ་ཁུལ་འདམ་གཞུང་རྫོང་རྒྱལ་དར་གྲོང་ཟེར་བ་དེ་ཡིན་འདུག་ལ། ཐེངས་འདིའི་ས་འགུལ་དེ་གཏིང་ཚད་ལ་ལི་དབར་༡༧དང༌། ཁྱབ་ཚད་ལ་བྱང་ངོས་སུ་ལེ་དབར་༢༩་༨དང་ཤར་ངོས་སུ་ལེ་དབར་༩༠་༤ཡིན་འདུག
འདམ་གཞུང་རྫོང་དམར་ཤོགས་ཚོགས་པའི་ཚོགས་གཙོ་ཡུས་པའོ་ཟེར་བ་ཞིག་གིས། ཐེངས་འདིའི་ས་འགུལ་ཁྲོད་མི་དང་ཕྱུགས་ཟོག་སོགས་ལ་གནོད་འཚེ་གང་ཡང་ཐེབས་མེད་པས་མ་ཚད། ཁང་པ་འགའ་ཤས་ལ་གནོད་སྐྱོན་ཅུང་ཐེབས་པ་ལས། གཞན་མེ་འཁོར་ལྕགས་ལམ་ལ་ཡང་གནོད་སྐྱོན་གང་ཡང་ཐེབས་མེད་ཚུལ་འགྲེལ་བརྗོད་བྱས་འདུག
བོད་རང་སྐྱོང་ལྗོངས་ཟེར་བའི་ས་ཡོམ་སྔོན་བརྡ་ལས་ཁུངས་ཀྱི་འགན་འཛིན་ཀྲང་ཇུན་གྱིས། ཕྱི་ལོ་༢༠༡༠ལོའི་ཟླ་༡༠ཚེས་༦ཉིན། ནག་ཆུ་ཁུལ་འདམ་གཞུང་རྫོང་དུ་ས་ཡོམ་གྱིས་རྐྱེན་པས། ཁྱོམ་མི་གྲངས་༡༩ཙམ་ལ་རྨས་སྐྱོན་ཕོག་ཡོད་པས་མ་ཚད། མི་༩རྐྱེན་འདས་སུ་ཕྱིན་ཡོད་པ་རེད་ཅེས་འགྲེལ་བརྗོད་བྱས་འདུག
རྒྱལ་སྤྱིའི་བོད་ཀྱི་ཆ་འཕྲིན་གྱི་གསར་འགོད་པ་སངས་རྒྱས་ཀྱིས་ཕབ་བསྒྱུར་བྱས།།
